ویب ڈیسک:سائنس دانوں  کی جانب سے خلاء میں موجود ایک کہکشاں میں آکسیجن اور دیگر بھاری دھاتوں کی موجودگی کا انکشاف  کیا گیا ہے۔ 

JADES-GS-z14-0 نام کا یہ  کہکشاں زمین سے 13.4 ارب نوری برس کے فاصلے پر موجود ہے جسے گزشتہ برس ناسا کی جیمز ویب اسپیس ٹیلی سکوپ نے دریافت کیا تھا۔

یورپین سدرن آبزرویٹری کے ماہرِ فلکیات گرگو پوپنگ نے اپنے  ایک بیان میں کہا کہ JADES-GS-z14-0 میں آکسیجن کی واضح نشاندہی پر انہیں واقعی حیرانی ہے، یہ دریافت بتاتی ہے کہ ماضی کے مقابلے میں بگ بینگ کے بعد کہکشائیں زیادہ تیزی سے بن سکتی ہیں۔

یہ نتائج دومختلف مطالعے کرنیوالی  دو مختلف ماہرینِ فلکیات کی ٹیموں نے تشکیل  دیئے ، اس سے سائنسدانوں کیلئے  کہکشاں کے فاصلے کی پیمائش میں بہتری کو ممکن بنایا ہے۔